Back كاتدرائية واشنطن الوطنية Arabic Vaşinqton Milli Kafedralı Azerbaijani Вашынгтонскі кафедральны сабор Byelorussian Вашингтонска национална катедрала Bulgarian Catedral Nacional de Washington Catalan Washingtonská národní katedrála Czech Washington National Cathedral German Washington National Cathedral English Vaŝingtona Nacia Katedralo Esperanto Catedral Nacional de Washington Spanish
Die Katedraalkerk van Sint Pieter en Sint Paulus in die Stad en Bisdom van Washington, wat algemeen as die Nasionale Katedraal van Washington bekend staan, is 'n Episkopale katedraal in Washington, D.C., die hoofstad van die Verenigde State. Die katedraal, wat volgens die Neogotiese styl ontwerp is, is in die Nasionale Register van Historiese Plekke (National Register of Historic Places) gelys en dien as die amptelike "Nasionale Gebedshuis" (National House of Prayer) van die Verenigde State.
Die katedraal is die amptelike setel van sowel die Voorsittende Biskop van die Episkopale Kerk in die Verenigde State van Amerika asook die Episkopale Bisdom van Washington. Dit is die moederkerk van die Episkopale Kerk in die Distrik van Columbië en in die deelstaat Maryland se Charles-, Montgomery-, Prince George's- en St. Mary's-distrikte. Die Protestantse Episkopale Katedraal-stigting hou toesig oor die Nasionale Katedraal en sy suster-instellings, die Beauvoir-skool, die Katedraalkollege, die Nasionale Katedraalskool en St.Albans-skool.
Die katedraal is geleë by die kruispunt van Massachusetts- en Wisconsin-lane in die noordwestelike kwadrant van Washington. Dit is die sesde grootste katedraal ter wêreld en op een na die grootste in die Verenigde State (die grootste Amerikaanse katedraal is die Basiliek van die Nasionale Heiligdom van die Onbevlekte Ontvangenis, wat ook in Washington geleë is).
Die Nasionale Katedraal van Washington is deur 'n oktrooi van die Amerikaanse Kongres, wat op 6 Januarie 1893 onderteken is, met die VSA-regering geaffilieer, maar word nie deur enige federale of distrik-instelling befonds nie. Die katedraal ontvang sy befondsing oorwegend van die Nasionale Katedraalvereniging (National Cathedral Association).
Die hoeksteen vir die katedraal is al in 1907 in die aanwesigheid van president Theodore Roosevelt gelê, maar dit het 83 jare geneem voordat die sluitsteen, 'n Gotiese kruisblom, in 1990 in aanwesigheid van president George H.W. Bush gelê kon word.